Բելգիայում ՀՀ դեսպանությունը տեղեկացնում է, որ
«Բելգիայում ՀՀ դեսպանության աջակցությամբ ներկայացված ծրագրի վերաբերյալ Բելգիայի ԱԳ նախարարն ընդունել է հավանություն տալու բացառիկ որոշում. դրամաշնորհը հաստատվել է չնայած նրան, որ Հայաստանը ներառված չէր աջակցության ծրագրերի՝ 2021թ. համար սահմանված աշխարհագրական առաջնահերթությունների շարքում:
Բելգիայի արտաքին գործերի նախարարությունն ապրիլի 8-ին հաստատել է "Աջակցություն վիրավոր զինվորներին և զինվորական հաշմանդամներին" հասարակական կազմակերպության ներկայացրած ծրագրին դրամաշնորհի տրամադրումը:
Դրամաշնորհը հատկացվելու է Արցախյան պատերազմի ընթացքում վիրավորում կամ հաշմանդամություն ստացած անձանց վիրահատությունների իրականացման նպատակով "Հայրենիքի պաշտպանի վերականգնողական կենտրոնի" կողմից անհրաժեշտ սարքավորումների ձեռքբերմանը՝ միտված հայ զինվորի կյանքի որակի բարելավմանն ու հասարակությանը վերաինտեգրմանը: