Նոյեմբերի 2-ին Բելգրադի կենտրոնում գտնվող ,,Սինգիդունում,, պատկերասրահում բացվել է սերբահայ հայտնի նկարչուհի Անամարիա Վարդապետյանի անհատական ցուցահանդեսը:
,,Մարդակային հպում,, ընդհանուր խորագրով ցուցահանդեսում ներկայացված էր նաև Արցախի վերջին պատերազմին նվիրված նկարների շարք: Ցուցահանդեսի բացմանը մասնակցել է Չեխիայում, Սերբիայում եւ Բալկանյան այլ երկրներում Հայաստանի դեսպան Աշոտ Հովակիմյանը, որն իր ելույթում բարձր գնահատական տվեց Անամարիյա Վարդապետյանի ցուցադրած գործերի գեղարվեստական և մարդասիրական արժեքին: Այս մասին տեղեկանում ենք ՀՀ դեսպանության ֆեյսբուքյան էջից։
Նոյեմբերի 3-ին ՀՀ դեսպան Աշոտ Հովակիմյանը ներկա է գտնվել նաեւ Բելգրադի երաժշտական փառատոնի շրջանակներում (BEMUS) տեղի ունեցած բացառիկ համերգին, որին հանդես եկան հայ հռչակավոր երաժիշտներ Խաչատուր Ալմազյանը, Հրաչյա Ավանեսյանը և Նարեկ Հախնազարյանը Չայկովսկու և Շոստակովիչի գործերի կատարմամբ:
Հայ անվանի երաժիշտներին իր փայլուն կատարումով միացավ Սեզար Ֆրանկի դաշնամուրային քվինտետի համերգի կատարմամբ տաղանդավոր հայ երիտասարդ դաշնակահարուհի Էվա Գևորգյանը:
orer.eu
