Չեխիայի արտաքին գործերի նախարար Յակուբ Կուլհանեկը (CSSD) գործարարների պատվիրակության հետ սեպտեմբերի 29 -ից հոկտեմբերի 1 -ը կայցելի Ադրբեջան և Հայաստան: Այս մասին տեղեկացնում է Չեխիայի արտգործնախարարությունը։
Ադրբեջանում չեխական դիվանագիտության ղեկավարը կհանդիպի իր գործընկեր Բայրամովի հետ, նաեւ նրան կընդունի նախագահ Իլհամ Ալիևը, ինչպես նաեւ կհանդիպի էկոնոմիկայի նախարար Միքայել Ջաբբարովի և էներգետիկայի նախարար Փարվիզ Շաբհարովի հետ:
Չեխական դիվանագիտության ղեկավարն իր ելույթով կբացի չեխա-ադրբեջանական գործարար համաժողովը `դրանով իսկ հաստատելով չեխական ընկերությունների հետաքրքրությունը՝ մասնակցելու Ադրբեջանում անցկացվող առևտրային մրցույթներին և ենթակառուցվածքների վերականգնմանը: Նախարար Կուլհանեկը կայցելի նաեւ Ալատ նավահանգստում գտնվող ազատ տնտեսական գոտի: Այցի ընթացքում կստորագրվի էներգետիկայի ոլորտում համագործակցության համաձայնագիր:
Հայաստանում նախատեսված են նախարար Կուլհանեկի հանդիպումները նախագահ Արմեն Սարգսյանի, արտգործնախարար Արարատ Միրզոյանի հետ, ինչպես նաեւ վարչապետ Նիկոլ Փաշինյանի և փոխվարչապետ Մհեր Գրիգորյանի հետ: Չեխական դիվանագիտության ղեկավարը ներկա կլինի նաեւ գործարար համաժողովի բացմանը:
orer.eu