Չեխիա. Հունիսի 24ի երեկոյան պտտահողմը՝ տորնադոն հասավ Մորավիա, ճանապարհներ են փակվել, արդեն կան տուժածներ։ Ահավոր վիճակ է Բրեցլավում, Լուժիցե եւ Հոդնոնտին բնակավայրերում։ Հրուշկի ավանը ամբողջությամբ ավերվել է։ Մորավիայում 32 հազար բնակավայր տուժել է պտտահողմից` զրկվել է հոսանքից։ Մեքենաներ են կորել, տներ են քանդվել եւ այդ ամենը շարունակվում է ներկա պահին։ Ներքին գործերի նախարար Համաչեկը հայտնեց, որ դեռեւս չեն կարող ասել վիրավորների թիվը, բայց խորհուրդ տվեց քաղաքացիներին փողոց դուրս չգալ։Հունիսի 25-ին նա հայտարարեց, որ բացի նյութական ու մարդկային կորուստներից, մեծ խնդիր է նաեւ մարդկանց հոգեբանական վիճակը։ Հոգեբանների թիմերը արդեն իսկ օգնում են տուժածներին։
Ամեն դեպքում շրջանի հիվանդանոցներն արդեն տասնյակ վիրավորների են ընդունել, դադարեցվել է ճանապարհային եւ երկաթուղային հաղորդակցությունը։
Արդեն նշվում է, որ նվազագույնը 150 վիրավորներ գտնվում են հիվանդանոցներում։ Արդեն հայտնի է հինգ զոհի մասին, տասը՝ ծանր վիճակում են։ Ֆինանսների նախարարը պետության պահուստային ֆոնդից 10 միլիոն կրոն է փոխանցել ՝ տուժածների անմիջական կարիքները հոգալու համար։
Հարյուրավոր հրշեջներ ու ոստիկաններ շարունակում են օգնություն ցուցաբերել, 30 բժշկական բրիգադ է ուղարկել հարեւան Ավստրիան։
Բռնո քաղաքի քաղաքապետարանը կազմակերպել է տուժած անօթեւան մարդկանց բնակարանով ապահովելու խնդիրը։ Նրանց մի մասին տեղավորել են քաղաքի հյուրանոցներում, մյուսներին՝ դատարկ բնակարաններում։
orer.eu