Հունիսի 13-ին Տոսկանայի Կավրիլիա համայնքում կայացած Քարե քանդակների փառատոնի շրջանակներում տեղի ունեցավ Վիգեն Ավետիսի "Ներդաշնակություն" աշխատության բացման արարողությունը, որը նվիրվել է "Գթասրտություն" միության հոբելյանին։ Այս մասին տեղեկացնում է Իտալիայում ՀՀ դեսպանությունը։
Բացման արարողությանը ողջույնի խոսքով հանդես եկավ դեսպանության խորհրդական Ք․Մեհրաբեկյանը, որն իր ելույթում մասնավորապես նշեց, որ արվեստագետները հաճախ ընկալվում են որպես մշակութային դեսպաններ, և մենք հպարտ ենք, որ այս փառատոնին Հայաստանը ներկայացված է տաղանդաշատ քանդակագործ Վիգեն Ավետիսի կողմից, ում «Տոսկանա» և Հայոց ցեղասպանությանը նվիրված «Հայոց մայրը» աշխատությունների շնորհիվ հայ-իտալական բարեկամության ևս երկու խորհրդանիշ ունենք Կավրիլիայի հյուրընկալ հողի վրա, ինչի համար մենք ուրախ և շնորհակալ ենք Կավրիլիայի քաղաքապետին։
orer.eu
