Մալխաս Ամոյեան Եւ Հրաչեայ Պօղոսեան` Եւրոպայի Ախոյեաններ

Մալխաս Ամոյեան

ԵՐԵՒԱՆ.- Մակեդոնիոյ մայրաքաղաք Սքոփյէի մէջ իր աւարտին հասաւ յունահռոմէական ոճի ըմբշամարտի Եւրոպայի 23 տարեկանէն վար մարզիկներու ախոյեանութիւնը:

72 քլկ. դասակարգին մէջ, Հայաստանի ներկայացուցիչ Մալխաս Ամոյեան, որ աւարտականին մրցեցաւ ուքրանացի Անտրէյ Քուլիքի դէմ, տպաւորիչ ելոյթ մը ունենալով եւ արձանագրելով 6-0 արդիւնքով յաղթանակ մը՝ հանդիսացաւ Եւրոպայի ախոյեան:

Նշենք, որ նախքան աւարտականին հասնիլը, Ամոյեան արձանագրեց այլ տպաւորիչ յաղթանակ մը ատրպէյճանցի Խասայ Հասանլիի դէմ, 7-0 արդիւնքով:

Եւրոպայի ախոյեան հանդիսացաւ նաեւ Հրաչեայ Պօղոսեան, որ 63 քլկ. դասակարգի աւարտականին 4-1 արդիւնքով յաղթեց շուէտացի Նիքլաս Օհլենին:

Հրաչյա Պողոսյան

Թէեւ Դաւիթ Օւասապեան (130 քլկ.) հասաւ աւարտականին, սակայն 5-1 արդիւնքով պարտութիւն մը կրելով իր ռուս մրցակիցէն` Միհայիլ Լափթեւէն, բաւարարուեցաւ արծաթ մետալով:

Արծաթէ մետալներ շահեցան նաեւ Ռազմիկ Պապիկեան (61 քլկ.) եւ Հրայր Ալիխանեան (74 քլկ.)։

Արման Աւագեան, Սամուէլ Գրիգորեան, Տիգրան Մինասեան եւ Արման Անդրէասեան հանդիսացան պրոնզէ մետալակիրներ:

 Աղբյուր՝ Մալխաս Ամոյեան Եւ Հրաչեայ Պօղոսեան` Եւրոպայի Ախոյեաններ | Asbarez - Armenian

orer.eu