Կատալոնահայության ազդեցիկ հանրահավաքը՝ Արցախի անկախության ճանաչման պահանջով

Ավելի քան 700 հայորդիներ, կոչերով դիմեցին Իսպանիայի կառավարությանը՝ դատապարտելով վերջինիս որդեգրած անտարբերությունը։ Ներկաները դատապարտեցին նաև Իսպանական լրատվամիջոցների ոչ ամբողջական լուսաբանումը, Իսպանական ընկերությունների Թուրքիային և Ադրբեջանին զենքը վաճառքը։

 

 

Ուղերձներով պահանջվեց, որ Իսպանիան` որպես ԵՄ և ԵԱՀԿ-ի անդամ, քանդի իր լռության պատը և չեզոքությունը  ու որպես զարգացած, ժողովրդավար, խոսքի ազատության կողմնակից և մարդու իրավուքները պաշտպանող երկիր իր տեսակետը հայտնի Արցախահայությանը սպառնացող վտանգի մասին։

 

 

Կատալոնահայերի հիմնական պահանջն էր՝ «Արցախում մենք պատերազմում ենք ահաբեկչության և ժողովրդի ճակատագիրը որոշելու իրավունքի միջև: Ադրբեջանի համար Արցախը միայն տարածք է, սակայն հայ ժողովրդի համար դա գոյատևման և իր հայրենիքում ապրելու հիմնական իրավունք է: Պարոնայք, Արցախի տարածքում, մի փոքրաթիվ ժողովուրդ հերոսաբար պայքարում է Ադրբեջանի և Թուրքիայի կանոնավոր բանակների դեմ, վարձկանների և ահաբեկիչների դեմ, որպեսզի խուսափե´ն բնաջնջումից, խուսափե´ն աքսորից՝ որտեղ նրանք ապրում են անհիշելի ժամանակներից:

Թուրքիան և Ադրբեջանը, հավանաբար, տնտեսապես ավելի հետաքրքիր են Իսպանիայի համար, բայց ո՞րն է մեր արժեքների չափորոշիչը: Ո՞րն է մարդկային կյանքի գինը: Պարոնայք, ձեր լռությունը ստիպում է ձեզ մասնակցել այս պատերազմին, որը նրանք մեզ պարտադրել են:

Ուստի մենք դիմում ենք Իսպանիայի կառավարությանը՝1. հրաժարվել այս քաղաքական չեզոքությունից , 2.իսպանացի ժողովրդին բացատրել, թե ինչ է կատարվում իրենց սահմաններից դուրս,3.  ձեռնարկել արդյունավետ միջոցներ ագրեսորներին ձերբակալելու համար,4.  ճանաչել ազատ և ժողովրդավարական երկիր լինելու Արցախի որոշումը»։

 

Վերոնշյալ պահանջքները կատալոնահայության անունից պաշտոնապես փոխանցվեց Իսպանիայի Կառավարության Կատալոնիայի ներկայացուցչությանը։