Չեխ սենատորները կոչ են արել Մինսկի խմբի համանախագահներին՝ արագորեն նպաստել խաղաղության հաստատմանը
Typography
- Smaller Small Medium Big Bigger
- Default Helvetica Segoe Georgia Times
- Reading Mode
Այսօր՝ հոկտեմբերի 13-ին Չեխիայի Սենատի արտաքին հարաբերությունների , պաշտպանության եւ անվտանգության կոմիտեն բանաձեւ է ընդունել Լեռնային Ղարաբաղում ստեղծված իրավիճակի վերաբերյալ։ Կոմիտեի նախագահ Պավել Ֆիշերը չեխական հեռուստատեսությանը հայտնեց, որ կոչ են անում Մինսկի խմբի համանախագահ երկրներին ավելի ակտիվորեն աշխատել տարածաշրջանում խաղաղություն հաստատելու ուղղությամբ։ Չեխ սենատորները համարում են , որ նաեւ մարդասիրական օգնություն է պետք ցուցաբերել Ղարաբաղի ժողովրդին։Սենատորները դիմել են կառավարությանը, որպեսզի պատրաստ լինի հատկապես տուժած մայրերին ու երեխաներին մարդասիրական օգնություն ուղարկելու։ Նաեւ դիմել են կառավարությանը, որ Մինսկի խմբի անդամների վրա ավելի արդյունավետ ազդի՝ խաղաղության հասնելու համար։ Այս որոշման մասին կոմիտեի նախագահը տեղյակ կպահի սենատի նախագահին եւ արտգործնախարարությանը։
orer.eu
