Պրահա - Křesťan dnes -Կարդինալ Դոմինիկ Դուկան այսօր հավատացյալներին կոչ արեց աղոթել Լեռնային Ղարաբաղում խաղաղության համար: Այս մասին ČTK- ին ուղարկված հայտարարության մեջ նշել է Պրահայի արքեպիսկոպոսության խոսնակ řիրի Պրինցը: Այսօր վեցերորդ օրը շարունակվում են մարտերը հայկական և ադրբեջանական ուժերի միջև Լեռնային Ղարաբաղի համար: ,,Երկու երկրների միջեւ վաղուց շարունակվող այս վեճը Ադրբեջանի հարավ արեւմտյան մասում գտնվող եւ գերակշռությամբ հայ բնակչություն ունեցող առանձնատարածքի շուրջն է,,-գրում է řesťan dnes -ը:
«Մենք միավորված ենք հայ քրիստոնյաների հետ այն համերաշխությամբ, որը ցույց է տվել, մասնավորապես, Պրահայի գրող Ֆրանց Վերֆելն իր «Քառասուն օր» վեպում: Առաջին համաշխարհային պատերազմի ընթացքում հայ ազգի ցեղասպանությունը պատկերող այս իրադարձությունները ոչ միայն պատմական հիշողություն են, այլեւ մտահոգություններ են առաջացնում մեր քրիստոնյա եղբայրների ճակատագրի վերաբերյալ», - ասել է Դուկան:
Հիշեցնենք, որ դեռեւս հոկտեմբերի 1ԻՆ Չեխիայի կաթոլիկ եկեղեցու առաջնորդ եւ Պրահայի արքեպիսկոպոս Կարդինալ Դոմինիկ Դուկան ընդունել էր Չեխիայի Հայ Առաքելական եկեղեցու հոգեւոր հովիվ Բարսեղ վարդապետ Փիլավչյանին եւ Պրահայի Սուրբ Գրիգոր Լուսավորիչ եկեղեցու ծխական խորհրդի պատվավոր անդամ Տիգրան Աբրահամյանին եւ իր մտահոգությունն էր հայտնել, աղոթք բարձրացրել Արցախում խաղաղության համար՝ իր քաջալերանքը հայտնելով հայ ժողովրդին։
Այնուհետեւ քրիստոնեական պարբերականը գրում է, որ 1988-ին, Խորհրդային Միության գոյության ընթացքում, զինված բախում է սկսել , որի արդյունքում Լեռնային Ղարաբաղը Հայաստանի աջակցությամբ արյունալի պատերազմում, որը խլեց մոտավորապես 30,000 կյանք և հանգեցրեց հարյուր հազարավոր փախստականների, անջատվեց Ադրբեջանից։
,,Ներկայումս առանձնատարածքը՝ անկլավը և դրան հարակից Լաչինի միջանցքը, որը տանում է դեպի Հայաստան, գտնվում են Հայաստանի ռազմական հսկողության տակ, մինչդեռ Ադրբեջանը տարածքը գրավյալ է համարում:
Ներկայիս մարտերը բռնկվել են կիրակի առավոտյան և նկարագրվում են որպես ամենավատը 1990-ականներից ի վեր: Արդեն հայտարարել են տասնյակ զոհերի մասին, այդ թվում ՝ խաղաղ բնակիչների: Եվ Բաքուն, և Երևանը մոբիլիզացնում են առաջխաղացումները և միմյանց մեղադրում հարձակումների մեջ» ,-գրում է պարբերականը։
Orer.eu