Վերջին օրերին ադրբեջանական իշխանությունները, չնայած համավարակի հետևանքվ ստեղծված համաշխարհային նոր իրադրությանը, դարձյալ լայնածավալ ռազմական գործողություններ են իրականացնում Հայաստանի հետ սահմանին, ինչի հետևանքով երկուստեք կան զոհեր ու վիրավորներ:
Հայոց փառապանծ և հաղթանակած բանակը փայլուն է իրականացնում իր առջև դրված խնդիրները՝ նորից ու նորից ետ շպրտելով հակառակորդին՝ պատճառելով մարդկային ու նյութական կորուստներ: Ցավոք սրտի ադրբեջանական կողմի արկածախնդրության ու սադրիչ գործողությունների հետևանքով Մենք ևս ունեցանք մարդկային կորուստներ: Հայ ժողովրդի հերոսական պատմության մեջ ոսկե տառերով գրվեցին նոր հերոսների ու քաջորդիների անուններ, որոնց սխրանքի օրինակով սերունդներ պիտի դաստիարակվեն:
Մենք ոչ միայն խստորեն դատապարտում ենք ադրբեջնական կողմի ագրեսիան և ռազմաշունչ, հայատյաց հայտարարությունները, այլև կոչ ենք անում Ռումանիոյ և համայն Եվրոպայի հոգևոր, քաղաքական, պետական ու դիվանագիտական ներկայացուցիչներին արձագանքել ու դատապարտել Ադրբեջանին և իր աջակից Թուրքիոյ իշխանությունների ցանկացած ռազմական գործողություն կամ պատերազմ հայ ժողովրդի՝ Հայաստանի և Արցախի նկատմամբ:
Մենք վստահ ենք, որ պատերազմի վերսկսման պարագային ռազմական գործողություններն ավարտվելու են բացառապես հակառակորդի տարածքում: Հարկ եղած պարագային ռումանահայությունը ևս՝ հոգևորական ու աշխարհական, Մեր խիզախ ու հայրենասեր երիտասարդներն ու պատանիները, պատրաստ ենք միասնաբար մեկնելու ռազմաճակատ և կռվելու բիրտ թշնամու դեմ:
Սակայն, իբրև քաղաքակիրթ ազգ, Մենք դեմ ենք այդ ճանապարհով խնդրի կարգավորմանը և կոչ ենք անում միջազգային հանրությանը զսպել Ադրբեջանի ագրեսիան, կոշտ արձագանքել և խնդիրը բերել բանակցությունների սեղանի շուրջ:
Աղոթում ենք անցնող օրերին նահատակված Մեր հերոսների հոգիների համար, հայցում ենք Սուրբ Հոգու մխիթարությունը նրանց ընտանիքներին: Միևնույն ժամանակ Մեր աղոթքն ենք բարձրացնում առ Աստված բոլոր վիրավորների շուտափույթ ապաքինման համար:
Թող Աստված խաղաղ ու անառիկ պահի Հայաստան և Արցախ աշխարհները, հայ ժողովրդին և հայոց փառապանծ բանակի քաջարի զինվորներին ու հրամանատարներին:
Ռումանիոյ հայոց թեմի մամլո դի