Սիրելի հայրենակիցներ,
Նկատի ունենալով Չեխիայում տիրող իրավիճակը եւ արտակարգ դրությամբ պայմանավորված հավաքների եւ միջոցառումների սահմանափակումները, ապրիլի 12-ին Սուրբ Հարության՝ Զատկական տոնին Պրահայի Սուրբ Հոգու եկեղեցում ժամը 13.00-ին տեղի կունենա դռնփակ պատարագ, որին կարող եք հետեւել առցանց /օնլայն/ youtube.com կայքէջի armenianchurchinprague հասցեով։ Պատարագը կտեւի երկու ժամ։
Հաշվի առնելով նաեւ Գարեգին Բ Վեհափառ Հայրապետի հորդորը, Պահքը կլուծարվի շաբաթ օրը երեկոյան՝ Ճրագալույցի պատարագից հետո։ Չեխիայում այն չի կատարվի, բայց նրանք ովքեր հաղորդություն ստանալու ցանկություն ունեն, կարող են զանգահարել Հայր Բարսեղին եւ պայմանավորվել անհատական հաղորդություն ստանալու օրը եւ ժամը։
https://www.youtube.com/watch?v=U0ZBZnH4U30
Հ.Գ. Պրահայում բնակվող բոլոր այն հայորդիները, ովքեր կարիք ունեն կտորից կարված դիմակների, կարող են ստանալ Հայր Բարսեղից։ Դրանք նվիրաբերել է չեխաբնակ գործարար Արմեն Սարգսյանը։
Orer.eu