Դիանա Խոջայանը շարունակում է հաղթահարել Չեխ-սլովակյան ՚Սուպերսթար՚ մրցույթի փուլերը

Մարտի 8-ին չեխական ՚Նովա՚  հեռուստաընկերությունն եթեր հեռարձակեց  Չեխիայի եւ Սլովակիայի ՙՙՍուպերսթար՚   երաժշտական  շոու-մրցույթի հերթական փուլի տեսագրությունը， որին մասնակցում էր նաեւ մեր հայրենակցուհի Դիանա Խոջայանը (Խոջայանովան-չեխերեն)։ 17 ամյա Դիանան փայլուն ելույթ ունեցավ  եւ անցավ հաջորդ փուլ՝ արժանանալով ժյուրիի հինգ հոգանոց կազմի միանշանակ ՚Այո՚-ին։ Ժյուրիի անդամներն արտահայտեցին իրենց հիացմունքը՝ թե կատարման， թե ձայնի， եւ թե երգի մատուցման  մասին։  Իսկ նրանցից մեկը նույնիսկ նշեց， որ իր դրական ելույթով Դիանան  գրավեց  ու գերեց բոլորին։ Դիանան կատարեց Մեգան Թրեյնորի /Meghan Trainor/  Dear Future Husband անգլերեն երգը։ 

Սուպերսթարում նրա ելույթը կարող եք դիտել այս հղումով՝

https://www.youtube.com/watch?v=GecYDt6hSJs&feature=youtu.be&fbclid=IwAR0xUEthHo0wza7QhhbsxqniQ-_v-ssIXQfHwMjKJXXcN65UknIfjJO9kz4

Նշենք， որ այս մրցույթի նախնական փուլին մասնակցել են 5000-ից  ավելի  պատանիներ， որոնցից ընտրել են 86-ին եւ այս փուլ են հասել միայն 48-ը։ Հաջորդ փուլիերին  կմնան 30-ը եւ 18-ը， իսկ երկու ամիս անց տեղի կունենա եզրափակիչ մրցույթը， որին կմասնակցեն ընդամենը 10 երգիչ։ Այդ մրցույթը կհեռարձակվի ուղիղ եթերում եւ հնարավորություն կտրվի նաեւ քվեարկել։

 Դիանա Խոջայանը ծնվել է չեխական Բռնո քաղաքում։ Իր հարցազրույցներում նշում է, որ չնայած այդ հանգամանքին, ինքն իրեն զգում է թե Հայաստանի, եւ թե Չեխիայի մի մասնիկը։ Հիանալի խոսում է հայերեն։  Հայրը՝ Հակոբ Խոջայանը  ոչ միայն ունի Տեսաձայնագրման ընկերություն，օպերատոր է, լուսանկարիչ ու ռեժիսոր,  այլեւ  զբաղվում է քաղաքական գործունեությամբ，  Չեխիայի խորհրդարանի ՍՊԴ կուսակացության պատգամավորի օգնականն է։  

17 ամյա Դիանան ոչ միայն 12 տարեկանից ակտիվորեն երգում է， այլեւ նվագում է կիթառով։  Սովորում է Բռնոյի տուրիզմի եւ էկոնոմիկայի ավագ դպրոցում， երրորդ տարին անընդմեջ դպրոցի ուսանողական  խորհրդի նախագահն է։ Նրա երգացանկը հարուստ է անգլերեն， չեխերեն， հայերեն， ռուսերեն երգերով։ Երբեմն հանդես է գալիս կրտսեր քրոջ ՝ 10-ամյա Մելանիայի հետ，ով նաեւ ջութակ է նվագում， ինչպես միջնեկ քույրը՝ 15-ամյա Անետան։

Ահա նրանց համատեղ ելույթը՝ https://www.youtube.com/watch?v=nYR0yvJ0Mus&feature=youtu.be&fbclid=IwAR3mKDkhztuZnFEibR_y2eVbJGb17WlhNa1ti8fOihbrH7-JSr4jfc7EIyU

Դիանան ունի նաեւ  Ինստագրամի եւ Ֆեյսբուքի էջեր， որոնց հետեւելով， կարող եք նաեւ տեղեկեցաված լինել ՙՍուպերսթար՚ մրցույթի ընթացքին։ https://www.instagram.com/diana_chodzajanova/?fbclid=IwAR0sSDiDfEVDzHzMvjJeBUZ01M2NWbKGkWjFYkPsmi6UtadMJ7YZTrbUia4

Դիանային մաղթում ենք հաջող ելույթներ եւ հաղթանակ։

ՕՐԵՐ