ԼՈՆՏՈՆ, «Պի.Պի.Սի.».- Հայկական ծագումով յայտնի դերասան՝ Էնտի Սերգիս (Սարգիսեան), որ մեծ համբաւի տիրացած է «Հապիթ», «Մատանիներու Գահակալը», «Կապիկներու Մոլորակը» եւ «Քինկ Քոնկ» ժապաւէններուն մէջ իր ստանձնած դերերով, յատուկ մրցանակի արժանի նկատուեցաւ Մեծն Բրիտանիոյ շարժապատկերի եւ պատկերասփիւռի արուեստներու ակադեմիոյ (ՊԱՖԹԱ) կողմէ, Բրիտանիոյ շարժապատկերի աշխարհին իր բերած յատկանշական ներդրումներուն համար։ Մրցանակաբաշխութիւնը տեղի ունեցաւ 2 Փետրուարին։
Էնտի Սերգիս ծնած է Անգլիոյ մէջ, իր մայրը անգլիացի է, իսկ հայրը՝ հայ։
Աղբյուր՝ https://www.yerepouni-news.com/