Երեւանում շարունակվում են Նիկոլ Փաշինյանի կառավարության դեմ անցկացվող միտինգները։ Կազմակերհիչներից մեկը՝ Նաիրի Հոխիկյանը իր ֆեյսբուքյան էջում ներկայացրել է իրենց պահանջները։ «Մեր նախաձեռնած Ազատագրական շարժման մասին հաճախ հարցեր են հնչում, թե որն է մեր հիմնական նպատակը։
Մենք ամենակսզբում հստակ նշել ենք 3 հիմնական նպատակները՝
- կանխել սահմանագծման և սահմանազատման հակահայկական ծրագիրը և հրապարակել թշնամու հետ քննարկվող փաստաթուղթը։
- թույլ չտալ Ադրբեջանին տրամադրել միջանցք կամ որևէ ճանապարհ ՀՀ տարածքում։
- անհրաժեշտ ամեն տեսակի զենքով զինել առաջնագծում կանգնած հայկական զորքինու աշխարհազորին։
Հարցեր են լինում, թե ինչ ենք անելու այս պահանջների իրականացման կամ չիրականացման դեպքում։
Եթե ՀՀ իշխանությունը իրականում լիներ ազգային, ապա մենք այս օրակարգը չէինք ունենա։ Եթե վերոնշյալ խնդիրները լուծվեն, ապա Հայաստանը կլինի կայուն և անխոցելի ինչպես դիվանագիտության, այնպես էլ անվտանգության առումով։
Եթե ՀՀ իշխանությունը չկատարի մեր պահանջները, ապա հասկանում ենք, որ նա անելիք չունի կառավարարության շենքում, հետևաբար Ազատագրական շարժումը կանի իր պատասխան քայլերը։
Ահա մեր օրակարգը»-, գրել է Հոխիկյանը։
orer.eu