Համբիկ Սասունյանը վերադարձել է Հայաստան

«Սիրելի Հայրենակիցներ..

Ամենայն ուրախութեամբ կը գրեմ պատգամս ձեզի՝ Հայաստանէն..

Մօտաւորապէս 40 տարիներ անց, պատիւը ունիմ ըլլալու Հայրենի հողի վրայ, խմել հայրենի ջուրը, շնչել օդը, եւ զգալ ընտանական ջերմութիւնը..

Ձեր ցուցաբերած աջակցութիւնը տարիներու ընթացքին մշտական քաջալերած է զիս եւ դրական ներդրում ունեցած է իմ դժուարագոյն օրերուս..

Խորին շնորհակալութիւններս կ՛ուզեմ յայտնել բոլոր անոնց որոնք նամակցած են, այցելած են, եւ ընդմիշտ պահած են զիս իրենց սրտերուն մէջ..

Վերջապէս հասած եմ տուն

Սիրով՝

Համբիկ Սասունեան»

 

Մինչդեռ  ինչպես փոխանցում է  https://www.yerepouni-news.com-ը, «Անատոլու» գործակալությունը հայտնում է, որ « Թուրքիոյ արտաքին գործոց նախարարութիւնը դատապարտեց 1982ին Լոս Անճելըսի մօտ Թուրքիոյ հիւպատոս Քեմալ Արըքանի սպանութեան համար մեղադրուած եւ 40 տարի բանտարկուած Համբիկ Սասունեանի ազատ արձակումը։

Անգարա Սասունեանի ազատ արձակումը «սխալ» որակեց՝ պնդելով, որ նման քայլ մը «ահաբեկչութեան առջեւ զիջելու» համազօր «վտանգաւոր» արարք մըն է ու կը «ծառայէ «քաղաքական նպատակներու համար ահաբեկչութեան օգտագործման» ջատագովներուն։

Յիշեցնենք, որ անցնող Մարտին Քալիֆորնիոյ նահանգապետ Կեւըն Նիւսըմի գրասենեակը  Արեւմտեան Ամերիկայի Հայ Դատի յանձնախումբին տեղեկացուցած էր, թէ որոշած է նպաստել Համբիկ Սասունեանը ազատ արձակելու ջանքերուն եւ դարձեալ պիտի չընդդիմանայ Սասունեանը ազատ արձակելու՝ Բանտարկեալներու ազատ արձակման խորհուրդի յանձնարարականին։ Աւելի կանուխ, Լոս Անճելըսի Գերագոյն ատեանը բեկանած էր Սասունեանի ազատ արձակումը կասեցուցած Նիւսըմի նախկին որոշումը, կամայական եւ ընթացակարգային կերպով թերի նկատելով նահանգապետին որոշումը։ Հակառակ այն իրողութեան, որ Դեկտեմբեր 2019ին Բանտարկեալներու ազատ արձակման խորհուրդը յանձնարարած էր Սասունեանը ազատ արձակել, Մայիս 2020ին Նիւսըմ որոշած էր արգելակել Սասունեանը ազատ արձակելու քայլը»: