Հոկտեմբերի 2-ին Հայաստանի Գեղարքունիքի մարզի Մարտունու տարածաշրջանի Նշխարք (Յանղ) բնակավայրում կատարվեց Սուրբ Նշան աղոթատուն-եկեղեցու օծման եւ բացման արարողությունը։
Համայնքում մեծ խանդավառություն էր տիրում, քանի որ հավատացյալների առջեւ բացվեց այդ տարածքի միակ հայկական առաքելական աղոթատուն-եկեղեցին՝ Սուրբ Նշանը։
Օծման արարողությունն անցկացրեց Մայր Աթոռ Սուրբ Էջմիածնի Վանորեից Տեսուչ, Գերաշնորհ Տ.Արտակ եպիսկոպոս Տիգրանյանը՝ Հոգեշնորհ Տ .Պարթեվ վարդապետ Բարսեղյանի աղոթակցությամբ։ Այնուհետ հոգեւոր հայրերը կատարեցին Բաղդասարյան ընտանիքի երեխաների մկտության արարողակարգը։
Սուրբ Նշան եկեղեցու շինարարական աշխատանքները սկսվել են 2018 թ-ից եւ ավարտվել են այս տարի չեխահայ Բաղդասարյան ընտանիքի կողմից։ Եկեղեցուն կից տարածքը բարեկարգվել է, տեղադրվել է նաեւ խաչքար եւ սառնաղբյուր։
Օծմանը ներկա էին Գեղարքունիքի մարզպետ Կարեն Գրիգորյանը, քաղաքական գործիչներ, գործարարներ,հյուրեր Ռուսաստանից եւ արտերկրից։
Ս.Հովհաննիսյան
ՕՐԵՐ-ի հատուկ թղթակից
