Փետրվարի 27-ին չեխական Ուստի նադ Լաբեմ քաղաքում տեղի ունեցավ պրոֆեսիոնալ բռնցքամարտի մրցամարտ, որի արդյունքում մեր հայրենակից 25ամյա Էրիկ Աղաթելյանը Չեխիայի պատմության մեջ սահմանեց ռեկորդ։ Մրցամարտում հաղթելով Յոզեֆ Զահրադնիկին, նա ընդամենը 25 տարեկանում 7-րդ անգամ դարձավ Չեխիայի պրոֆեսիոնալ բռնցքամարտի չեմպիոն։ Նա հանդես է գալիս 63.5 քաշային կարգում։
Մինչ այժմ Էրիկը ունեցել է մոտ 250 մրցամարտ, 7 անգամ դառնալով հանրապետության չեմպիոն, մեկ անգամ արժանացել է ոսկե մեդալի, 2 անգամ արծաթե Ուստի նադ Լաբեմի Մեծ մրցանակի առաջնություններում, 2013 թվականին ճանաչվել է Չեխիայի լավագույն բռնցքամարտիկ։ 2018-ից հանդես է գալիս պրոֆեսիոնալ բռնցքամարտում։
Օրեր ամսագրի անունից շնորհավորում ենք մեր հայրենակցին եւ մաղթում նոր հաղթանակներ։
orer.eu