Աշխարհի 10-ից ավելի երկրներում խոսում են գերմաներեն լեզվով: Մոտ 60 ինքնիշխան պետություններում էլ անգլերենն է համարվում պետական լեզու:
Զարգացող աշխարհում ու աշխատաշուկայում մրցունակ դառնալու գրավականն այսօր լեզուների իմացությունն է: Հենց այս հարցում է, որ օգնության է հասնում «Յունիվերս» լեզվի կենտրոնը:
Տաթև գիտակրթական համալիրի կազմում 2016թ-ից գործող «Յունիվերս» լեզվի կենտրոնը այսօր անգլերենի, գերմաներենի և ռուսերենի ուսուցման դասընթացներ է առաջարկում նաև բոլոր նրանց, ովքեր ցանկանում են աշխատանք գտնել արտերկրում:
Անհատական ու խմբակային դասընթացները անց են կացվում մասնագիտական բարձր` MATEFL, CELTA և այլ որակավորում ունեցող մասնագետների կողմից, որոնք նախքան ուսանողի հետ աշխատել սկսելը, պարտադիր մեթոդապես վերապատրաստվում են նաև կենտրոնում` այդ ընթացքում ստանալով աշխատավարձ:
«Կենտրոնը խստապահանջ է իր մասնագետների գիտելիքների ու որակավորման հանդեպ` քաջ գիտակցելով, որ հաջողության հասնելու գրավականը հենց ճիշտ ընտրված դասավանդողն է», - վստահեցնում է կենտրոնի տնօրեն Քրիստինե Մկրտչյանը:
Այստեղ անհատական մոտեցում է ցուցաբերվում յուրաքանչյուրին: Մեծ տեղ է հատկացվում անհատական վերլուծություններին` սովորողի ունակությունները, գիտելիքների մակարդակը հասկանալու, հետագա ուսումն արդյունավետ կազմակերպելու և առավելագույն արդյունք ստանալու համար:
Խմբերը կարող են բաղկացած լինել 8 անդամներից, սակայն ինչպես տնօրենն է վստահեցնում, խմբերում սովորողների թիվը չի գերազանցում 4-ը, որպեսզի արդյունքն ավելի ակնհայտ լինի: Գործում է ժամային ճկուն գրաֆիկ, անհրաժեշտության դեպքում աշխատում են նաև օնլայն, իսկ դասընթացներն անցկացվում են ընդարձակ ու լուսավոր դասասենյակներում, որտեղ ստեղծված մթնոլորտը տրամադրում է սովորելուն:
«Յունիվերս» լեզվի կենտրոնում, որն իր գրանցած հաջողությունների շնորհիվ այսօր լավագույններից է համարվում, նաև լավագույն պայմաններն են առաջարկում: Գործում են հատուկ զեղչեր, երբ մի լեզվի ուսուցման ավարտից հետո, մեկ այլ լեզու են սկսում սովորել, կամ, երբ ընտանիքից երկու հոգի է հաճախում` տրմադրվում է 10-20 տոկոս զեղչ:
Այս կենտրոնում առավելությունները շատ են` TEFL և TESOL դասընթացները կենտրոնի հիմնական առավելություններից մեկն է: «Յունիվերս» կենտրոնը հանդիսանում է INTESOL միջազգային բրիտանական կազմակերպության միակ պաշտոնական ներկայացուցիչը Հայաստանում և Արցախում, ինչը թույլ է տալիս կազմակերպել TESOl-ի և TEFL-ի դասընթացներ: Կան տարբեր ժամաքանակներով դասընթացներ` 90, 120 , 180 և 190 ժամ տևողությամբ: Արդյունքում տրամադրվում է արտերկրում մրցունակ միջազգային սերտիֆիկատ, առանց որի աշխատանք գտնել արտերկրում, գրեթե հնարավոր չէ: ULC-ը միակն է Հայաստանում, որ իրականացնում է անգլերեն լեզվի դասընթացներ ընդունարաններում, ռեստորաններում աշխատողների, բարմենների, տնային աշխատակցուհիների, բիզնես ոլորտի ներկայացուցիչների համար: Կենտրոնը բացառիկ է նաև նրանով, որ այստեղ ուսուցանվում է տնտեսագիտական գերմաներեն մարքեթինգ, մենեջմենթ, գովազդ, PR: Դասավանդող բոլոր մասնագետները անցել են հատուկ վերապատրաստումներ: Կենտրոնն ունի ամենահարուստ գրադարանը: Համագործակցում է գերմանական առաջատար հրատարակչությունների հետ: Ամռան ամիսներին ULC-ն անց է կացնում UniKid ծրագիրը` հատուկ մշակված երեխաների համար, որի ժամանակ հետաքրքիր երգերի, ինտերակտիվ խաղերի ու պարերի միջոցով փոքրիկները անգլերեն են սովորում: Ծրագրի միջոցով նպաստում են երեխայի խոսքի, մտքի, հիշողության, հնարամտության և ստեղծագործական երևակայության զարգացմանը:
Կենտրոնն այսօր առաջարկում է լեզուների ընդհանուր դասընթացներ.անգլերեն` հատուկ նպատակների համար (ESP), բիզնես անգլերեն, բժշկական գերմաներեն, անգլերեն պատանիների համար,
միջազգային քննությունների նախապատրաստական դասընթացներ`
TOEFL , IELTS, PTE (անգլերեն) և ÖSD, TestDaf (գերմաներեն), Geothe Zertifikat:
Կենտրոնում նաև ռուսերեն է դասավանդվում: Ռուսերեն դասընթացների ժամանակ, հատուկ մշակված դասագրքերով և լրացուցիչ նյութերով անցկացվող պարապմունքների շնորհիվ արագ և հեշտ կյուրացնեք անհրաժեշտ լեզվական գիտելիքները:
Ուսման ավարտին տրվում է միջազգային սերտիֆիկատ, որը մրցունակ է ամբողջ աշխարհում: Ավելին, առանց այդ սերտիֆիկատի, այսօր հնարավոր չէ աշխատանք գտնել միջազգային հեղինակավոր կառույցներում:
«Յունիվերս» լեզվի կենտրոնը լեզվի ուսուցման դասընթացներից բացի, անցկացնում է նաև թրեյնինգներ ու վերապատրաստման դասընթացներ:
Կենտրոնն, օրինակ, վերապատրաստման դասընթացներ է անցկացրել ԱԻՆ-ի, Ստանդարտների ինստիտուտի, Կոնյակի գործարանի, Իմեքս գրուպի, Զանգակ հրատարակչության և շատ այլ հայտնի կազմակերպությունների աշխատակիցների համար:
Լեզվի կենտրոնը հավատարիմ է որդեգրած սկզբունքներին և կրում է նաև սոցիալական պատասխանատվություն գործունեության առաջին իսկ օրվանից:
Կենտրոնը մեծ հաջողություններ է գրանցել գործունեության 5 տարիների ընթացքում: Այստեղ ուսանած սաները կարողացել են հաջողել նաև Ամերիկայի և Գերմանիայի լավագույն բուհերում, աշխատանք գտնել միջազգային մեծ ու հեղինակավոր կազմակերպություններում:
Այս կենտրոնում դասընթացներն անցկացվում են ընդարձակ, լուսավոր, անհրաժեշտ գիր-գրականությամբ ու տեխնիկայով հագեցած դասասենյակներում: Գերմաներենի դասասենյակներից մեկի պատերին, օրինակ կարելի է գտնել նաև Գերմանիայի մշակույթն ու պատմությունը ներկայացնող հուշանվերներ, ինչը հնարավորություն է տալիս ավելի մոտենալ ու սիրել այդ երկիրն իր ավանդույթներով:
ULC-ն գործի դնելով միջազգային չափորոշիչներին համապատասխան գործիքներն ու ուսումնական մեթոդները, կարողանում է կարճ ժամանակահատվածում օգնել սովորողին հասնել մեծ հաջողության`սա արդեն փորձով հաստատված իրողություն է:
orer.eu