Թող Նիկոլը հեռանա կամավոր, թե չէ կհեռենա զոռով. Վազգեն Մանուկյան
Typography
- Smaller Small Medium Big Bigger
- Default Helvetica Segoe Georgia Times
- Reading Mode
Այսօր դեկտեմբերի 5-ին, Ազատության հրապարակում «Հայրենիքի փրկության շարժման» Համազգային հանրահավաքին ընդդիմադիր կուսակցությունների միասնական թեկնածու Վազգեն Մանուկյանը ներկայացրեց այն ծրագրային դրույթները, որոնք իր առջև է դնելու ժամանակավոր կառավարությունը:
Վազգեն Մանուկյանն իր ելույթն սկսեց այսպես. «Մենք կառուցեցինք անկախ պետություն՝ իր բոլոր թերություններով, բայց մենք կառուցեցինք այդ պետությունը: Մենք հիմա հավաքվել ենք նույն հրապարակում 30 տարի անց՝ կոտրված արժանապատվությամբ, հայրենիքը կորցրած: Հիմա Հայաստանի գոյությույունն էլ է վտանգված, ադրբեջանցին է որոշում մեր երկրի սահմանները, ու մենք իշխանություններից ոչ մի աջակցություն չենք ստանում»:
Վազգեն Մանուկյանը ներկայացրեց Փաշինյանի՝ իշխանության գալու ժամանակաշրջանն ու հանգամանքները:
«Ո՞նց հավատացինք քաղցր խոսքերին, ի՞նչ կատարվեց Հայաստանի հետ, մենք թշնամացանք իրար հետ: Թշնամացանք հին ու նոր , արցախցի ու հայաստանցի բաժանումներով: Նիկոլի առաջին քայլը եղավ գլխատել Արցախի բանակը: Պատերազմի ժամանակ ես Արցախում էի. գեներալները սպասում էին, թե երբ են մտնելու շտաբ: Իսկ Նիկոլը չէր թողնում, թույլ չէր տալիս նրանց մասնակցել պատերազմին: Մեր բոլոր դաշնակիցները երես թեքեցին մեզանից: Փաշինյանի իրարամերժ, գրգռիչ հայտարարություններն ամեն օր մոտեցնում էին մեզ պատերազմին. և պատերազմն սկսվեց, մենք կարող էինք կանխել պատերազմը կամ հաղթել պատերազմում փոքր կորուստներով: Աշխարհում ոչ մի ժողովուրդ չի կարողանում հասկանալ հայերին, որ այն առաջնորդը, որ հայերին տարավ պարոտության, մինչև հիմա իշխանական ղեկի մոտ է: Նրա ամեն օրը մեզ հետ է գցում: Նա ոչ մի ազգային ձգտում չունի: Փաշինյանը մի բան էլ պիտի հասկանա, որ ինչքան շուտ հրաժարական տա, այնքան լավ»:
Վազգեն Մանուկյանն անդրադարձավ եռակողմ համաձայնագրի փաստին՝ նշելով, որ դրա հետ մենք երբեք չենք հաշտվի, բայց այն դեֆակտո աշխատում է: Նորից պատերազմ մղել Թուրքիայի դեմ, կնշանակի Ռուսատանի դեմ դուրս գալ: «Պայմանագիրը բացթողումներով է կազմված. նոր կառավարությունը պետք է դրանց շուրջ բանակցություններ վարի»,- ընդգծեց Վազգեն Մանուկյանը:
Ընդդիմության՝ վարչապետի միասնական թեկնածուն առաջիկա անելիքների մեջ նախանշեց առաջնահերթությունները՝ Հայաստանի անվտանգության հարցը՝ վերականգնել բանակն ու բանակի պարտունակությունը, վերականգնել Ռուսաստանի հետ բնականոն հարաբերությունները:
Անհայտ կորածների, զոհվածների, գերիների, տեղահանված արցախցիների խնդիրները վայրկյան առաջ լուծում են պահանջում: «Ստեղծենք պայմաններ, որպեսզի արցախահայությունը վերադառնա իր հայրենիք»,- նշեց Վազգեն Մանուկյանը:
փոխանցմամբ ասել է ,,Մեր պահանջը հետեւյալն է. մենք մինչեւ երեքշաբթի օրը ժամը 12-ը ժամանակ ենք տալիս, որ Նիկոլը իր քաղաքական թիմին, իր խորհրդատուների հետ վերջնական քննարկի, որոշում ընդունի հրաժարական տա եւ հեռանա: Նիկոլ, սա քո վերջին ժամերն են, որ բնակվում ես կառավարական ամառանոցում: Մենք որեւէ պայմանավորվածություն, որեւէ պայման չենք կարող ունենալ, մենք ունենք մեկ պահանջ, Նիկոլը պետք է հեռանա եւ վերջ: