Շտուտգարտի հայերի ցույցը Շլոսպլաց հրապարակում՝ նվիրված Արցախին

Շտուտգարտի հայ  մշակութային միության  և Շտուտգարտի հայ համայնքի  կողմից  հոկտեմբերի l31-ին կազմակերպվել էր խաղաղությունը ոգեկոչող՝ Արցախի ինքնորոշման ճանաչմանը նվիրված  հերթական  ցույցը, Շտուտգարտ քաղաքի կենտրոնական՝  Շլոսպլաց հրապարակում։

 Խաղաղ ցույցի մասնակիցները հանդես եկան իրենց ինֆորմատիվ կոչ-ելույթներով, տեղեկացնելով  հանրությանը Արցախում  տեղի ունեցող պատերազմի և դրա հնարավոր հետևանքների մասին՝ ընդգծելով  մեկ ամիս շարունակ  թուրք-ադրբոջանա-ահաբեկչական ուժերի կողմից իրականացված պատերազմական հանցագործությունները,  դրանց՝ ցեղասպանության վերաճելու հեռանկարն ու այս ամենի կանխարգելման առաջնային միջոց՝ Անցախի ինքնորոշման իրավունքի ճանաչումը։

Ինֆորմատիվ վահանակների և կոչերի միջոցով ընդգծվեցին  նաև թուրք-ադրբեջանա-ահաբեկչական ուժերի առաջընթացը չկանխարգելելու պարագայում Եվրոպայում և մասնավորապես Գերմանիայում  ահաբեկչական ուժերի դոմինանտ դառնալու վտանգը։

Հանրությանը կոչ արվեց ստուգել  այս թեմայի շուրջ իրենց մատուցվող փաստերն ու պատմական իրողությունը, մասնակցել խաղաղ ակցիաների ընդդեմ տեռորիզմի և ի պաշտպանություն դեմոկրատական արժեքների, կոչ անել իրենց կառավարությանը ճանաչել Արցախի անկախությունը։

Ակցիան իրականացվում է Շտուտտգարտում արդեն չորրորդ անգամ։ Ակցիան ուղեկցվում է հայկական դասական երաժշտությամբ, ընդգծելու համար մեր մշակույթն ու խաղաղարարությունը։ Ինֆորմացիայի տարածումն ապահովվում է ինֆորմատիվ վահանակներով և QR կոդերի միջոցով տրամադրվում է հակիրճ տեղեկատվություն  ծավալվող իրավիճակի մասին։

Խաղաղ ակցիայի մասին անդրադարձ է եղել նաև գերմանական մամուլում։

orer.eu