Գալուստ Կիւլպէնկեան Հիմնարկութեան Հայկական Համայնքներու Բաժանմունքը Սփիւռքի ուսուցիչներուն ուղղուած մրցանակ մը յայտարարեց Ապրիլ 2020-ին:
«Հայերէնով դասաւանդողներու առցանց ուսուցումի մրցանակ»-ին նպատակն էր քաջալերել Պսակաձեւ ժահրին պարտադրած ինքնամեկուսացումին պատճառաւ առցանց հարթակներ տեղափոխուած կրթական ընթացքին մէջ հայերէնով իրենց ներդրումը ունեցող ուսուցիչներուն անհատական աշխատանքները:
Ուսուցիչները պէտք է դիմէին ներկայացնելով իրենց պատրաստած նիւթերը, իրենց աշակերտներուն հետ ունեցած հաղորդակցութեան օրինակները, եւ իրենց օգտագործած առցանց հարթակին վրայ իրականացուած ուսուցողական տուեալ աշխատանքին ընթացքն ու նպատակակէտերը բացատրող գրութիւն մը:
Մրցանակը դիմումներ ընդունեց վեց շաբթուան ընթացքին: Դիմումներուն արժեւորումի աշխատանքները կատարուեցան երկշաբաթեայ դրութեամբ, եօթը հոգիէ բաղկացած յանձնախումբի մը կողմէ, եւ նկատի ունենալով հետեւեալ չափանիշերը.-
o Առցանց համակարգերու գործածութեան մէջ առաջարկուած նորարար մօտեցումները:
o Մանկավարժական մեթոդաբանութեան կիրարկելիութիւնը եւ ճկունութիւնը։
o Աշակերտներուն մասնակցութիւնը եւ անոնց համար «հաճելի»-ի ազդակը։
o Գործադրութեան եւ հայերէնի գործածութեան որակը:
o Ուրիշներուն կողմէ ծրագիրին գործածելիութեան հեռանկարը։
Այս վեց շաբաթներուն ընթացքին, Հիմնարկութիւնը 13 երկիրներէ 106 դիմումներ ստացաւ՝ ամենօրեայ եւ շաբաթօրեայ հայկական դպրոցներու մէջ աշխատող ուսուցիչներէ: Դիմողներուն մեծամասնութիւնը հայոց լեզուի դասատուներ էին, բայց մրցանակը սահմանափակուած չէր իրենցմով: Պատմութեան, կրօնի, թուաբանութեան, գիտութեան, արուեստի եւ նոյնիսկ մարզանքի ուսուցիչներ դիմեցին իրենց տարբեր բնոյթի աշխատանքներով՝ անոնցմէ իւրաքանչիւրը բացայայտելով իր եւ իր աշակերտներուն ունեցած փորձառութիւնը հեռավար ուսումնառութեան աշխարհին մէջ: Դիմողներուն միջին տարիքը 44-ն էր:
Հիմնուելով դիմողներու մեծ թիւին վրայ եւ հնարաւորին չափ շատ ուսուցիչներ քաջալերելու նպատակով, նախապէս յայտարարուած 30 մրցանակին փոխարէն Հիմնարկութիւնը տրամադրեց 500 ԱՄՆ տոլար արժողութեամբ 49 նպաստ, քաջալերելով դիմողներուն 46 տոկոսը:
«Մեր սրտագին շնորհաւորանքները կը փոխանցենք բոլոր մրցանակակիրներուն: Դժբախտաբար, չէինք կրնար մրցանակ տրամադրել բոլոր մասնակիցներուն: Այնուամենայնիւ կը գնահատենք բոլորին ջանքերը եւ ընդհանրապէս հայերէնի դասաւանդումին դիմագրաւած մարտահրաւէրներուն դիմաց անոնց կատարած մեծ աշխատանքը՝ մանաւանդ համաճարակի այս օրերուն»,- նշեց Հայկական Համայնքներու Բաժանմունքի տնօրէն՝ Դոկտ. Ռազմիկ Փանոսեանը:
Յաւելեալ տեղեկութիւններու եւ «Հայերէնով դասաւանդողներու առցանց ուսուցումի մրցանակ»-ին մրցանակակիրներուն անուանացանկին ծանօթանալու համար այցելել gulbenkian.pt/armenian-communities/
Մրցանակների արժանացած ուսուցիչների անուններն են՝
49 մրցանակակիրների անուններն են՝
|
1. Abraham Abrahamian |
23. Liza Jiguerian Manoyan |
|
2. Adrine Malhasian |
24. Lucy Deukmejian |
|
3. Alik Arzoumanian |
25. Manoushag Alexanian |
|
4. Alina Hadjian |
26. Belén Istephanian |
|
Alicia Nerguizian (group application) |
27. Marina Danoyan |
|
5. Annie Maljian Geokgeuzian |
28. Maro Aintabian |
|
6. Annie Tchaparian Moskofian |
29. Natali Bagdat Kocabay |
|
7. Anahit Hovhannisyan |
30. Natalí Kevorkian |
|
8. Ani Karasaban |
31. Nayiri (Nanor) Panossian Bedrossian |
|
9. Annie Bilalian |
32. Nora Sarafian Tachjian |
|
10. Ardemis Mgrdichian |
33. Pauline Nazarian Merdkhanian |
|
11. Betty Berberian |
34. Sandra Hamamjian |
|
12. Dzovinar Gumushian Boyadjian |
35. Sevan Boghos Deirbadrossian |
|
13. Gayane Erzrumyan |
36. Shogher Ashekian |
|
14. George Arabatlian |
37. Sonia Baghdassarian |
|
15. Gohar Safaryan |
38. Sossie Karoghlanian Chilingirian |
|
Karina Silvia Balian (group application) |
39. Sosy Garjikian |
|
16. Hayganoush Minassian |
40. Sousy Bairamian |
|
Ani Apikian |
41. Taline Ashekian |
|
Araksya Mikayelyan |
42. Taline Jerjerian Berejiklian |
|
Anush Fendyan (group application) |
43. Tamar Hagopian Yalmanian |
|
17. Hera Iskenderoglu |
44. Tamar Mangasar |
|
18. Hribsime Nalbandian |
45. Tamar Tchaparian Kechichian |
|
19. Karin Akal |
46. Tsoline Elmayan |
|
20. Kohar Mandjian |
47. Vahan Saghdejian |
|
21. Lena Kouyoumdjian Araboghlian |
48. Vartoug Rose Fernezlian |
|
22. Lerna Karakutuk |
49. Viviana Basmadjian |