Չեխիայի եւ Սլովակիայի ՙՙՍուպերսթար՚ երաժշտական շոու-մրցույթ
Ապրիլի 12-ին չեխական ՚Նովա՚ հեռուստաընկերությունն եթեր հեռարձակեց Չեխիայի եւ Սլովակիայի ՙՙՍուպերսթար՚ երաժշտական շոու-մրցույթի երկրորդ փուլի տեսագրությունը，որին ինչպես արդեն հաղորդել էինք , մասնակցում էր Բռնո քաղաքից մեր հայրենակցուհի Դիանա Խոջայանը։
17 ամյա Դիանան փայլուն ելույթ ունեցավ եւ անցավ երրորդ փուլ՝ հայտնվելով 40 լավագույն մասնակիցների շարքում։ Երկրորդ փուլում Դիանան կատարեց Չակա Քհանի Ain’t Nobody/Chaka Khan/ անգլերեն երգը։
Մրցույթից հետո, Դիանան նախաձեռնեց մասնակիցների առցանց ելույթը, որպեսզի կորունավիրուսի տարածման պատճառով մեկուսացման մեջ հայտնված մարդիկ չհուսահատվեն։
Ութ երգիչ միասին առցանց կատարեցին Միրայի ,,Եթե չես կարող, արա ավելին,, երգը)/Mirai - Když nemůžeš, přidej víc Cover by Diana Chodžajanová/։
Կատարման հղումը ստորեւ՝ https://www.youtube.com/watch?v=aelbd330mVw&feature=youtu.be&fbclid=IwAR3_5b_J844Xt01WdljdA5-G_mIB8HLMJmKVTUzTho54Ak4mAb0DJrPwJdk
Այս ելույթը հեռարձակվել է նաեւ Սլովակիայի ,,Մարկիզա,, հեռուստաընկերությունը։
Իսկ Սուպերսթարում նրա վերջին ելույթը կարող եք դիտել այս հղումով՝
Ինչպես արդեն տեղեկացրել էինք, այս մրցույթի նախնական փուլին մասնակցել են 5000-ից ավելի պատանիներ， որոնցից ընտրել են 86-ին եւ այս փուլ են հասել միայն 48-ը։ Հաջորդ փուլիերին կմնան 30-ը եւ 18-ը， իսկ երկու ամիս անց տեղի կունենա եզրափակիչ մրցույթը， որին կմասնակցեն ընդամենը 10 երգիչ։ Այդ մրցույթը կհեռարձակվի ուղիղ եթերում եւ հնարավորություն կտրվի նաեւ քվեարկել։
Դիանա Խոջայանը ծնվել է չեխական Բռնո քաղաքում։ Իր հարցազրույցներում նշում է, որ չնայած այդ հանգամանքին, ինքն իրեն զգում է թե Հայաստանի, եւ թե Չեխիայի մի մասնիկը։ Հիանալի խոսում է հայերեն։ Հայրը՝ Հակոբ Խոջայանը ոչ միայն ունի Տեսաձայնագրման ընկերություն，օպերատոր է, լուսանկարիչ ու ռեժիսոր, այլեւ զբաղվում է քաղաքական գործունեությամբ，Չեխիայի խորհրդարանի ՍՊԴ կուսակացության պատգամավորի օգնականն է։
17 ամյա Դիանան ոչ միայն 12 տարեկանից ակտիվորեն երգում է， այլեւ նվագում է կիթառով։ Սովորում է Բռնոյի տուրիզմի եւ էկոնոմիկայի ավագ դպրոցում， երրորդ տարին անընդմեջ դպրոցի ուսանողական խորհրդի նախագահն է։ Նրա երգացանկը հարուստ է անգլերեն， չեխերեն， հայերեն， ռուսերեն երգերով։ Երբեմն հանդես է գալիս կրտսեր քրոջ ՝ 10-ամյա Մելանիայի հետ，ով նաեւ ջութակ է նվագում， ինչպես միջնեկ քույրը՝ 15-ամյա Անետան։
Ահա նրանց համատեղ ելույթը՝ https://www.youtube.com/watch?v=nYR0yvJ0Mus&feature=youtu.be&fbclid=IwAR3mKDkhztuZnFEibR_y2eVbJGb17WlhNa1ti8fOihbrH7-JSr4jfc7EIyU
Դիանան ունի նաեւ Ինստագրամի եւ Ֆեյսբուքի էջեր， որոնց հետեւելով， կարող եք նաեւ տեղեկեցաված լինել ՙՍուպերսթար՚ մրցույթի ընթացքին։ https://www.instagram.com/diana_chodzajanova/?fbclid=IwAR0sSDiDfEVDzHzMvjJeBUZ01M2NWbKGkWjFYkPsmi6UtadMJ7YZTrbUia4
Դիանային մաղթում ենք հաջող ելույթներ եւ հաղթանակ։
ՕՐԵՐ