Սեպտեմբերի 12-ին Երևանում բացվեց << ARMENIA EXPO 2019>> միջազգային ունիվերսալ առևտրաարդյունաբերական 19-րդ ցուցահանդեսն ու ֆորումը՝ LOGOS EXPO CENTER ցուցահանդեսային համալիրում: Կազմակերպիչներն են Հայաստանի արդյունաբերողների և գործարարների միությունը և <<LOGOS EXPO CENTER>>ցուցահանդեսային ընկերությունը։
Սա հանդիսանում է խոշորագույն միջոցառում ոչ միայն Հայաստանում,այլ նաև ողջ տարածաշրջանում՝մի հարկի տակ հավաքելով տնտեսության տարբեր ճյուղերը ներկայացնող 140-ից ավել կազմակերպություն:
Այս տարի ավելի էր ընդլայնվել մասնակիցների աշխարհագրությունը և այստեղ էին 8 երկրների ներկայացուցիչներ՝Հայաստանի Հանրապետությունից,Ռուսաստանի Դաշնությունից,Իրանի Իսլամական Հանրապետությունից,Գերմանիայի Դաշնային Հանրապետությունից,Բելառուսի Հանրապետությունից, Ուկրայինայից, Իտալիայից, Չինաստանից:
<< ARMENIA EXPO 2019>> մեծ իրադարձություն է և այս տարի այն աննախադեպ էր իր ընդգրկման ծավալներով:<< ARMENIA EXPO 2019>> ցուցահանդեսային ֆորումի շրջանակներում անցկացվեցին հետևյալ ցուցահանդեսները՝ INDUSTRIAL ARMENIA EXPO, BUILD EXPO (), EXPO FOOD &DRINKS(), TRANS EXPO (),COMP EXPO (), POLYGRAPHY,PUBLISHING, ADVERTISEMENT EXPO(), FURNITURE SALON(), FINANCE, CREDIT, INSURANCE,AUDIT EXPO ()< REST &ENTERTAIMENT ():
Ցուցահանդեսի պատվավոր հյուրն էր Հայաստանի Հանրապետության վարչապետ Նիկոլ Փաշինյանը: Նա շրջել է տաղավարներով ու ծանոթացել ինչպես տեղական, այնպես էլ օտարերկրյա արտադրողների ապրանքի հետ:
Ցուցահանդեսի բացման ու ողջույնի խոսքով հանդես եկավ <<LOGOS EXPO CENTER>>ցուցահանդեսային ընկերության հիմնադիր և գլխավոր տնօրեն Սուրեն Նազինյանը: Նա վարչապետին ու հյուրերին հակիրճ պատմեց ցուցահանդեսի մասին, իսկ վերջում շնորհակալություն հայտնեց բոլոր մասնակիցներից ու կազմակերպիչներից՝հույս հայտնելով,որ հաջորդ ցուցահանդեսը կընդլայնվի ու կավելանան մասնակից երկրները՝ներկայացնելով իրենց ծրագրերն ու արտադրանքը մեր երկրում:
Ելույթ ունեցավ նաև Հայաստանի արդյունաբերողների և գործարարների միության նախագահ Արսեն Ղազարյանն, ով Հայաստանի Հանրապետության վարչապետին ու հյուրերին ներկայացրեց 2019 թվականի արդյունաբերության ու առևտրային շրջանառության ցուցանիշները:
Ցուցահանդեսի ընթացքում շրջելով տաղավարներով այստեղ հանդիպեցի մի շատ հետաքրքիր ու զարգացնող գրքի,որը ներկայացնում էր Արդիբուք կազմակերպությունը:Արդիբուքն ինտերակտիվ պատկերազարդ աուդիոգիրք է՝ նախատեսված երեխաների համար: Շնորհիվ արդի տեխնոլոգիաների, Արդիբուքի գրիչը՝ Արդիփենը, ճանաչում է գրքում պատկերված նկարները և խոսում նրանց փոխարեն:
Արդիբուքը պատկերազարդումների և ձայնային տվյալների մեծ բազա է, որում բոլոր կերպաներին կցված են երկու տեքստեր՝ հենց նրանց և պատմիչի դեմքից: Արդիբուքն ինտերակտիվ պատկերազարդ աուդիոգիրք է՝ նախատեսված 3-8 տարեկան երեխաների համար: Արդիբուքը հնարավորություն է տալիս երեխաներին ինքնուրույն զբաղվել գրքով եթե նույնիսկ նրանք դեռ չգիտեն կարդալ:
Գրքում պարունակվող տեղեկությունն երեխաներին մատուցվում է պարզ և հասկանալի տեքստերի միջոցով,ինչի շնորհիվ փոքրիկները կարող են երկար ժամանակ անցկացնել սրա հետ՝առանց ծնողների միջամտության:
Ցուցահանդեսի ընթացքում իրենց արտադրանքն էին ներկայացնում նաև ՀՀ Տավուշի մարզի Բերդավան գյուղի գինու գործարանն ու ArtIs …հայկական կանացի պայուսակներ արտադրող գործարանի ներկայացուցիչները:
Գարիկ Ավետիսյան
Լուսանկարները՝Սիրարփի Կարապետյանի
