Պրիւքսէլ, 15 Հուլիս 2019 - ՀՅԴ Եւրոպայի Հայ Դատի գրասենեակի նախաձեռնութեամբ, Արցախի մասին մրցանակակիր «Վերջին Բնակիչ» ֆիլմը ցուցադրուեցաւ Պրիւքսէլի ''Cinema Galeries'' սրահէն ներս Ուրբաթ 12 հուլիսին, բեմադրիչ Ջիվան Ավետիսյանի ներկայութեամբ: Ցուցադրութեան աւարտին հանդիսատեսները իրենց տպաւորութիւնները ներկայացուցին եւ հարցեր ուղղեցին բեմադրիչին:Անդրադառնալով ֆիլմի ցուցադրութեան, ՀՅԴ Եւրոպայի Հայ Դատի Յանձնախումբի նախագահ Գասպար Կարապետեան ըսաւ. «Արւեստը շատ կարեւոր միջոց մըն է աշխարհին ներկայացնելու Արցախի ժողովուրդին ազատութեան պայքարի պատմությունը, եւ այս պարաքային` եւրոպական հանրութեան:
Ուրախ ենք որ կան տաղանդաւոր բեմադրիչներ, ինչպիսին է Ջիվան Ավետիսյանը, որ կ’աշխատին այս նիւթին շուրջ եւ կը մասնակցին հեղինակաւոր միջազգային փառատօներու:
ՀՅԴ Եւրոպայի Հայ Դատի գրասենեակ
