ՊՐԱՀԱ-ՕՐԵՐ –Ապրիլի 12-ին Պրահայի Ազգային փոքրամասնությունների տան դահլիճում տեղի ունեցավ հիշատակի ձեռնարկ՝ նվիրված Հոլոքոսթին եւ Հայոց ցեղասպանության 100-ամյա տարելիցին։ Միջոցառումը բացվեց Հայաստանի ու Իսրայելի օրհներգերի կատարմամբ, որից հետո օրվա հանդիսավար Անդրեյ Բարդոշը ելույթի համար ձայնը տվեց Չեխիայում եւ Սլովակիայում Հայաստանի դեսպան Տիգրան Սեյրանյանին, ում հորդորով ներկաները նախ մեկ րոպե լռությամբ հարգեցին բոլոր զոհերի հիշատակը։ Հայաստանի դեսպանը ներկաներին հանգամանալից ներկայացրեց ոչ միայն 20-րդ դարի առաջին ցեղասպանության արդյունքում 1.5 միլիոն հայերի բռնի տեղահանման եւ բնաջնջման Օսմանյան Թուրքիայի ծրագրված քաղաքականությունը, այլեւ այն երկրների ցանկը, որոնք 
ճանաչել են Հայոց ցեղասպանությունը։ Դեսպանը նշեց նաեւ նախօրեին Հռոմի Ֆրանցիսկոս պապի կողմից մատուցած պատարագի եւ Հայոց ցեղասպանության ճանաչման, ինչպես նաեւ 2014-ին Չեխիայի նախագահ Միլոշ Զեմանի կողմից մամուլի ասուլիսի ժամանակ Հայոց ցեղասպանության ճանաչման փաստի մասին։ Բանախոսը անդրադարձավ նաեւ Թուրքիայի կողմից պետական մակարդակով իրականացվող ժխտողական քաղաքականության մասին։
Հրեա րաբբին ներողություն խնդրեց հայ ժողովրդից. հայերն ու հրեաները հարգեցին Հոլոքոսթի եւ Հայերի ցեղասպանության զոհերի հիշատակը [cz] HISTORICKÉ PRIZMA
Typography
- Smaller Small Medium Big Bigger
- Default Helvetica Segoe Georgia Times
- Reading Mode