2015 թվականի փետրվարի 21-ին Լեհաստանում Հայաստանի դեսպան Էդգար Ղազարյանն այցելել է Վարշավայում գտնվող Լեհահայոց մշակույթի և ժառանգության հիմնադրամի գրասենյակ: Դեսպան Է.Ղազարյանը հանդիպում է ունեցել հիմնադրամի նախագահ Յանեկ Աբգարովիչի և հիմնադրամի աշխատակիցների հետ: Դեսպանը ծանոթացել է հիմնադրամի գործունեության, իրականացված ծրագրերին, հիմնադրամի կողմից թողարկված բազմաթիվ հրապարակումներին, որոնք առավելապես վերաբերում են Լեհաստանում հայերի գոյության մի քանի հարյուրամյակների հարուստ և արժեքավոր պատմությանը: Արմեն Արտվիխի ուղեկցությամբ հիմնադրամի պահոցներում դեսպանը հնարավորություն է ունեցել ծանոթանալ նաև այնտեղ խնամքով պահվող արժեքավոր մշակութային ժառանգությանը, գրքերին, ձեռագրերին, փաստաթղթերին: Հիմնադրամի աշխատակիցների և կամավորների հետ ունեցած զրույցի ընթացքում դեսպան Է.Ղազարյանը շնորհակալություն հայտնեց նրանց տարիների շարունակ կատարված սրտացավ և պատասխանատու վերաբերմունք պահանջող այդ կարևոր աշխատանքի համար, որոնց արդյունքներից հնարավորություն ունեն օգտվել ոչ միայն ներկա, այլև ապագա սերունդները: Հիմնադրամում պահվող նյութները հարուստ բովանդակային վկայություն են Լեհաստանի հայ համայնքի պատմության, Լեհաստանի պատմության մեջ ունեցած նրանց նշանակալի և կարևոր ավանդի մասին: Քննարկվեցին նաև հիմնադրամի նյութերի հիման վրա Լեհաստանում և Հայաստանում տարատեսակ ցուցադրությունների կազմակերպման, հիմնադրամի հետագա գործունեության և Լեհաստանում Հայաստանի դեսպանության հետ համագործակցության հարցեր:
2015 թվականի փետրվարի 21-ին Լեհաստանում Հայաստանի դեսպան Էդգար Ղազարյանն այցելել է Վարշավայում գտնվող Լեհահայոց մշակույթի և ժառանգության հիմնադրամի գրասենյակ: Դեսպան Է.Ղազարյանը հանդիպում է ունեցել հիմնադրամի նախագահ Յանեկ Աբգարովիչի և հիմնադրամի աշխատակիցների հետ: Դեսպանը ծանոթացել է հիմնադրամի գործունեության, իրականացված ծրագրերին, հիմնադրամի կողմից թողարկված բազմաթիվ հրապարակումներին, որոնք առավելապես վերաբերում են Լեհաստանում հայերի գոյության մի քանի հարյուրամյակների հարուստ և արժեքավոր պատմությանը: Արմեն Արտվիխի ուղեկցությամբ հիմնադրամի պահոցներում դեսպանը հնարավորություն է ունեցել ծանոթանալ նաև այնտեղ խնամքով պահվող արժեքավոր մշակութային ժառանգությանը, գրքերին, ձեռագրերին, փաստաթղթերին: Հիմնադրամի աշխատակիցների և կամավորների հետ ունեցած զրույցի ընթացքում դեսպան Է.Ղազարյանը շնորհակալություն հայտնեց 
նրանց տարիների շարունակ կատարված սրտացավ և պատասխանատու վերաբերմունք պահանջող այդ կարևոր աշխատանքի համար, որոնց արդյունքներից հնարավորություն ունեն օգտվել ոչ միայն ներկա, այլև ապագա սերունդները: Հիմնադրամում պահվող նյութները հարուստ բովանդակային վկայություն են Լեհաստանի հայ համայնքի պատմության, Լեհաստանի պատմության մեջ ունեցած նրանց նշանակալի և կարևոր ավանդի մասին: Քննարկվեցին նաև հիմնադրամի նյութերի հիման վրա Լեհաստանում և Հայաստանում տարատեսակ ցուցադրությունների կազմակերպման, հիմնադրամի հետագա գործունեության և 
Լեհաստանում Հայաստանի դեսպանության հետ համագործակցության հարցեր: