ՊՐԱՀԱ-ՕՐԵՐ-ORER.EU- Շվեցարահայ կոմպոզիտոր Հայկ Վարդանի ստեղծագործությունները փետրվարի 22-ին առաջին անգամ հնչեցին Պրահայի Սուրբ Սիմոնի եւ Յուդայի եկեղեցում՝ Զլինի Բոհուսլավ Մարտինուի ֆիլհարմոնիկ նվագախմբի եւ դիրիժոր Դավիթ Շվեցի ղեկավարությամբ։ Կատարվեցին նվագախմբի համար Էպիտաֆը, Երկրորդ սիմֆոնիան ջութակի, թավջութակի եւ նվագախմբի համար եւ Հայոց ցեղասպանությանը նվիրված ,,Երրորդ սիմֆոնիա ռեքվիեմ 1915,,-ը։ Վերջին երկու ստեղծագործությունները կատարվում էին առաջին անգամ՝ համաշխարհային պրեմիերան էր։ Հանդիսավոր երեկոն ողջույնի խոսքով բացեց Չեխիայում Հայաստանի դեսպան Տիգրան Սեյրանյանը՝ անդրադառնալով Հայոց ցեղասպանության 100- ամյա տարելիցին եւ Թուրքիայի կողմից շարունակվող մերժողական քաղաքականությանը։ Հայաստանի դեսպանը համառոտ ներկայացրեց Հայոց Ցեղասպանության պատմությունը և, մասնավորապես, նշեց. ՙՙ Հայոց Ցեղասպանության դառը դասերը համամարդկային պատմության և հիշողության մեջ անհետ չեն մնացել. դրանց լրացնելու եկան Հոլոքոստի, հույների և ասորիների, Ռուանդայի ու Դարֆուրի ցեղասպանությունների, Նանջինգի սպանդի և այլ ողբերգությունների սարսափները: Ցավալի է, որ ցեղասպանության ժխտողականությունն ու ուրացումը դեռևս տեղ ունեն ժամանակակից աշխարհում: Քաղաքական նպատակահարմարությունն ու տնտեսական շահը հաճախ գերակշռում են միջազգային քաղաքականության մեջ: Իսկ ժխտողականությունն ու ուրացումն անխուսափելիորեն բերում են նոր բռնություններ և հանցագործություններ, ինչպիսին է, օրինակ, ՙՙԻսլամական Պետություն՚՚ ահաբեկչական խմբավորման՝ մարդկությանը հայտարարված պատերազմը՚՚:
ՊՐԱՀԱ-ՕՐԵՐ-ORER.EU- Շվեցարահայ կոմպոզիտոր Հայկ Վարդանի ստեղծագործությունները փետրվարի 22-ին առաջին անգամ հնչեցին Պրահայի Սուրբ Սիմոնի եւ Յուդայի եկեղեցում՝ Զլինի Բոհուսլավ Մարտինուի ֆիլհարմոնիկ նվագախմբի եւ դիրիժոր Դավիթ Շվեցի ղեկավարությամբ։ Կատարվեցին նվագախմբի համար Էպիտաֆը, Երկրորդ սիմֆոնիան ջութակի, թավջութակի եւ նվագախմբի համար եւ Հայոց ցեղասպանությանը նվիրված ,,Երրորդ սիմֆոնիա ռեքվիեմ 1915,,-ը։ Վերջին երկու ստեղծագործությունները կատարվում էին առաջին անգամ՝ համաշխարհային պրեմիերան էր։ Հանդիսավոր երեկոն 
ողջույնի խոսքով բացեց Չեխիայում Հայաստանի դեսպան Տիգրան Սեյրանյանը՝ անդրադառնալով Հայոց ցեղասպանության 100- ամյա տարելիցին եւ Թուրքիայի կողմից շարունակվող մերժողական քաղաքականությանը։ Հայաստանի դեսպանը համառոտ ներկայացրեց Հայոց Ցեղասպանության պատմությունը և, մասնավորապես, նշեց. ՙՙ Հայոց Ցեղասպանության դառը դասերը համամարդկային պատմության և հիշողության մեջ անհետ չեն մնացել. դրանց լրացնելու եկան Հոլոքոստի, հույների և ասորիների, Ռուանդայի ու Դարֆուրի ցեղասպանությունների, Նանջինգի սպանդի և այլ ողբերգությունների սարսափները: Ցավալի է, որ ցեղասպանության ժխտողականությունն ու ուրացումը դեռևս տեղ ունեն ժամանակակից աշխարհում: Քաղաքական նպատակահարմարությունն ու տնտեսական շահը հաճախ գերակշռում են միջազգային քաղաքականության մեջ: Իսկ ժխտողականությունն ու ուրացումն անխուսափելիորեն բերում են նոր բռնություններ և հանցագործություններ, ինչպիսին է, օրինակ, ՙՙԻսլամական Պետություն՚՚ ահաբեկչական խմբավորման՝ մարդկությանը հայտարարված պատերազմը՚՚: