Այսօր Չեխիայի Հանրապետությունում Ռուսաստանի Դաշնության դեսպանության դպրոցում անցկացվեց ռուսական Մասլենիցային նվիրված միջոցառում, որին իրենց ակտիվ մասնակցությունը ցուցաբերեցին նաև դպրոցի հայ մանուկները: Այս տոնով հեթանոս ռուսները հրաժեշտ էին տալիս ձմռանը` այրելով ավելորդ և անպետք իրերը, որտեղից էլ ծագում է խրտվիլակ այրելու հնագույն սովորույթը: Խրտվիլակի հետ նրանք այրում, ոչնչացնում էին անցյալ տարվա բոլոր անհաջողություններն ու տհաճությունները, որպեսզի գարնան հետ նոր կյանք սկսեն: Հետագայում Ռուս ուղղափառ եկեղեցին, ինչպես բոլոր քրիստոնեական եկեղեցիները, ժողովրդական սիրված այս տոնին նոր բովանդակություն ու նշանակություն են հաղորդել:Մասլենիցան, ինչպես Բարեկենդանը հայոց մեջ` նշվում է Մեծ պահքին նախորդող շաբաթը և ունի հեթանոսական ծագում:
Հայ մանուկները այդ օրը ներկայացրեցին Բուն Բարեկենդանի խորհուրդն ու ավանդույթները և հիացրեցին հային բնորոշ հյուրասիրությամբ: Ներկայացվեց նաև Հայաստանի մասին պատմող տեսանյութ և Բուն Բարեկենդանի տոնին նվիրված փոքրիկ բեմադրություն՝ հայ մանուկների մասնակցությամբ: