«ԱՐՏ ՖԵՍՏ» երիտասարդական փառատոնի նախագահ Էրիկ Բարսեղյանի հետ ծանոթացել եմ 2014 թվականի ապրիլին Պրահայում, երբ Երևանի Կինոյի և թատրոնի պետական ինստիտուտի ուսումնական թատրոնը Հայաստանի վաստակավոր արտիստ, փառատոնի մասնագիտական հանձնախմբի անդամ, պրոֆեսոր Լալա Մնացականյանի ղեկավարությամբ Չեխիայի հանդիսատեսի դատին ներկայացրեց հանրահայտ չեխ գրող և դրամատուրգ Կարել Չապեկի «Մայրը» պիեսը: Դեռ այն ժամանակ պարոն Բարսեղյանի հետ քննարկել ենք առաջին փառատոնի արդյունքները և հետագայի ծրագրերը։ Ուրախ եմ, որ տարեց-տարի մասնակիցների թիվը կտրուկ ավելանում է, այն ձեռք է բերում միջազգային մշակութային ձեռնարկի ձևաչափ, որ այն ստանում է լայն ճանաչում և հասարակական հնչեղություն, արժանանում վաստակավոր արվեստագետների բարձր գնահատականին։ Կարևորում եմ, որ այն ծառայում է իր բարձր նպատակներին. նոր անունների բացահայտմանը, երիտասարդ արվեստագետների փորձի փոխանակմանը։ Վստահությամբ կարող եմ նշել, որ մասնագիտական հանձնախմբի վաստակավոր անդամները փառատոնի միջոցով ևս հնարավորություն են ստացել իրենց հսկայական ստեղծագործական փորձը փոխանցելու երիտասարդ սերունդին։ Առավել գնահատելի է «ԱՐՏ ՖԵՍՏ»-ի նախաձեռնությունը հայ և օտարերկրյա ստեղծագործ երիտասարդներին մեկ տանիքի ներքո հավաքելու նախաձեռնությունը։ Արվեստը զարգանում է և Հայաստանում, և՛ արտասահմանում, բայց այն չի կարող զարգանալ մեկուսացված։ Բնականաբար հայ երիտասարդ արվեստագետների հրամայականն է պահպանել և կատարելագործել հայ արվեստի ավանդույթներն ու արժեքները։ Բայց մենք պետք է ունակ լինենք օտարի հետ փոխանակելու լավագույն փորձը։ Հաջողություն եմ մաղթում «ԱՐՏ ՖԵՍՏ» 2016-ին և հետագա փառատոներին։
«ԱՐՏ ՖԵՍՏ» երիտասարդական փառատոնի նախագահ Էրիկ Բարսեղյանի հետ ծանոթացել եմ 2014 թվականի ապրիլին Պրահայում, երբ Երևանի Կինոյի և թատրոնի պետական ինստիտուտի ուսումնական թատրոնը Հայաստանի վաստակավոր արտիստ, փառատոնի մասնագիտական հանձնախմբի անդամ, պրոֆեսոր Լալա Մնացականյանի ղեկավարությամբ Չեխիայի հանդիսատեսի դատին ներկայացրեց հանրահայտ չեխ գրող և դրամատուրգ Կարել Չապեկի «Մայրը» պիեսը: Դեռ այն ժամանակ պարոն Բարսեղյանի հետ քննարկել ենք առաջին փառատոնի արդյունքները և հետագայի ծրագրերը։ Ուրախ եմ, որ տարեց-տարի մասնակիցների թիվը կտրուկ ավելանում է, այն ձեռք է բերում միջազգային մշակութային ձեռնարկի ձևաչափ, որ այն ստանում է լայն ճանաչում և հասարակական հնչեղություն, արժանանում վաստակավոր արվեստագետների բարձր գնահատականին։ Կարևորում եմ, որ այն ծառայում է իր բարձր նպատակներին. նոր անունների բացահայտմանը, երիտասարդ արվեստագետների փորձի փոխանակմանը։ Վստահությամբ կարող եմ նշել, որ մասնագիտական հանձնախմբի վաստակավոր անդամները փառատոնի միջոցով ևս հնարավորություն են ստացել իրենց հսկայական ստեղծագործական փորձը փոխանցելու երիտասարդ սերունդին։ Առավել 
գնահատելի է «ԱՐՏ ՖԵՍՏ»-ի նախաձեռնությունը հայ և օտարերկրյա ստեղծագործ երիտասարդներին մեկ տանիքի ներքո հավաքելու նախաձեռնությունը։ Արվեստը զարգանում է և Հայաստանում, և՛ արտասահմանում, բայց այն չի կարող զարգանալ մեկուսացված։ Բնականաբար հայ երիտասարդ արվեստագետների հրամայականն է պահպանել և կատարելագործել հայ արվեստի ավանդույթներն ու արժեքները։ Բայց մենք պետք է ունակ լինենք օտարի հետ փոխանակելու լավագույն փորձը։ Հաջողություն եմ մաղթում «ԱՐՏ ՖԵՍՏ» 2016-ին և հետագա փառատոներին։